Никола , 6та година со АБР

                                         Никола ужива во летото         и              развива нови способности

Ова е Никола Маринов од Бугарија. Сега има седум и пол години. Неговата дијагноза е квадриплегична спастична церебрална парализа. Почнавме со Војта, како и хипербарична  терапија ,кога тој имаше шест месеци и ги практикуваше речиси две години без значителен ефект.  Никола дури почна да назадува, состојбата да се  влошува, стана крут и блокиран како "дрвена штица". Неколку пати беше хоспитализиран  и секогаш заради проблем со  белите дробови . 

 Започнавме со АБР во Март 2012, тогаш Никола имаше 2 и пол  години.Во првите три години од AБР ние,  неговите родители, не бевме многу редовни со вежбањето, но сепак доби позитивни резултати. Никола стана поопуштен, неговото тело почна да се сегментира,  во споредба со времето кога  започнавме со АБР  и тој почна  да ја контролира главата и рацете се  подобро и подобро. 

Март 2012 - Започнувасо АБР,Никола има 2 и пол години 

 Во целост ги сфативме големите резултати на AБР во текот на последните две години кога работиме најмалку два часа дневно и Никола постигна  голем напредок како што е прикажано на фотографиите.

                                              Никола гледа  телевизија

 Како прво, почна да зборува многу, дури и да составува  едноставни реченици со три-четири збора. Контролата на главата на Никола  е значително подобрена, што му овозможува да седи мирно подолго време, иако сеуште балансира со рацете. Исто така, има многу  физички промени - неговиот врат и рамениот појас станаа "видливи", и многу посилни. Градниот кош на Никола стана поголем и ја промени својата форма, дишењето е многу подобро и почна да ја зголемува телесната тежина за прв пат во две години.

Николај Маринов- татко на Никола